انا والخيل

ولاد ناس .. وناس بيئه 

كتير باسمع ان فلان ده ابن ناس او ابن ناس قوى زيادة فى التأكيد ..ومش عارفه ليه الكلمه دى بتعصبنى لان ابن الناس مقصود به ساكن فى حته راقيه ابوه وامه فى وظايف محترمه ...واقف عند بيتم عربيتن على الاقل وله علاقه باى حاجه اخرها سى ...يعنى بيدرس فى ايه يوسى او واخد كورس هناك او معاه اى شهادة اخرها الحرف ده ..وبيكون ابن ناس قوى لما يكون عندهم شغاله او سواق ..وبيصيف بره او فى مارينا ..اه ابن ناس بشرطه بيكون عندهم شاليه خاص
نيجى بقى على الغلابه البيئه ...اللى ساكنين فى مساكن شعبيه او مناطق بلدى فى حوارى مثلا وبيركبوا اتوبيس الشعب نقل عام ..وبينزلوا البحر فى شواطىء عامه والستات لابسه جلابيه ...وبيتعلموا فى مدارس الحكومه الميرى وبيتعالجوا فى المستشفى العام واخرهم المستوصف ..
وفى الاخر اللى بيتكلم ده بيقول انه بيطالب بالمساواة بين مين ومين الناس الكلاس والبيئه ..مش لما نتعلم نتكلم الاول نبقى نقول حريات ومساواة ..مش لما نبطل نصنف الناس ونحرمهم من ابسط حقوقهم انهم جميعا بنى ادميين ..وكلهم ولا ناس ولما ندورعلى مين اللى اخترع كلمه بيئه دى ونطالب باعدامه فى ميدان عام ..ولا خاص