بصت لنفسها فى المرايه وقالت " طيب انا خلاص جددت الحمام ..امتى بقى هاجدد نفسى .." دى جمله سمعتها فى مسلسل
بس السؤال لانى شخص عاوز تجديد واحساس بالتغيير يعمل ايه ... لان احيانا الملل بيكون سبب فى مشاكل كتير فى حياتنا وقرارت كتير ممكن يكون مسيرها الندم
ياترى التغيير فى المظهر ده نوع من التجديد ...يمكن يكون اه بس بشكل مؤقت
فى حياتنا فى امور كتير ممكن مش من السهل تتغير واللى بيحصل لنا هو نوع من التكيف معها وشىء من التعود ...بس احيانا بيكون التعود على امور مش راضيين عنها  نوع من الضغط على الاعصاب
التغيير اللى ممكن يكون حقيقى هو تغيير فكر او اسلوب تفكير بمعنى اصح ...ان يكون فى محاولة للارتقاء بالتفكير ...تعلم موهبة جديدة مثلا ..دراسه شىء جديد .,صعب تقول هاغير اللى حواليا ..لان الناس ببتأثر بشخص لكن مش بتتغير ...التغيير الاسهل هو انت هو شخصك وتفكيرك الخاص ..جدد نفسك حتى لو قلت انا هاتمشى كل يوم نص ساعه ...انا هاتعلم اصناف اكل جديدة واحاول اتقنها ...انا هاتعلم لغة مختلفه واشوف هاقدر ولا لأ ..
فى جمله لابد نلغيها من حياتنا ...خلاص انا كبرت طول ما انت عايش حاول تستفيد من وقتك وتعيش الحياة المقسومه لك صح

حادث طريق

ماعدت أعرفنى ..مثل   قطعه ملابس قديمه ومستعمله نسيها  أصحابها فى أعلى الخزانه دون أى  اهتمام او مراعاة للمشاعر ...كل يوم أنتظر  ذلك الضوء الذى يمر من خلال فتحه الباب وأترقب ...لا لمسه حانيه ..لا  نظرة تطل على ...لا  سؤال عن حالى ...لا  محاوله اقتراب لكى الملم جرحى ...جرحى الذى كان السبب فى الوصول الى ما أنا عليه الآن ...حادث طريق غير مجرى حياتى   ..اعتقدت وقتها أن هناك حل لعلاجى ولكن  بكل قسوة تركونى وحدى ...اعاشر  الاهمال
تعجبت  ان وجودى بلا معنى  .. لا  أحد حاول مساعدتى كى أعود الى الحياة مرة أخرى ...
لا احد حاول ان ينفض عنى تراب الهم العالق فى صدرى ...كل مايدور فى ذاكرتى   وانا انزف بضع كلمات تنم عن الضيق...اوووه هذا ليس وقتك ...
 وتعاودنى ذكرى  اول لقاء جمعنا  ... نظرات الاعجاب ..لمسات الحنان ...الرغبه الشديدة أن نكون معا .. رذاذ العطر يلفحنى ...لحظات الاعتناء بى قبل  نومى بطريقه تليق بى
كل هذا كان يدور فى مخيلتى وانا القى دون اى اهتمام خارج المنزل ..اخذتنى السيدة التى تعمل بالمطبخ واحتضنتنى بكل قوة ورغم ان رائحه البصل تفوح منها ..الا أن دقات قلبها كانت ترقص من الفرح ...تنظر الى  بكل اهتمام ومن فرط سعادتها قبلتنى ...قررت ان تصلح ما أفسده الدهر وان تلملم جرحى  وتساعدنى على التئام   انسجتى ..حتى أصبح فى حالة معقولة قبل لقائى بأبنتها الوحيدة ...كم كانت سعادتى غامرة بعد شفائى على يد هذه السيدة الحنون وكم كان أحساسى بالفخر عندما قابلت ابنتها التى لم تصدق انها سوف ترتدينى وتذهب الى الجامعه  فى ثوب جميل مثلى  ...واخيرا عرفت معنى العشرة التى لم تعرفها صاحبتى التى دفعت ثمنى غاليا واشترتنى لتلقى بى مع اول حادث طريق ....قصه حياة قطعه ملابس مستعملة

من هنا بدأت

اصغيت البها بكل اهتمام لاسمع قصه انتظرها عمرى كله ..
بدأت تحكى فقالت ..".كم كنت احب امى "ثم بكت بكاءا صامتا يقطعه صوت نشيجها .... وبكيت معها لاننى اعرف ان الامهات بواطن الامور ومواطن الالم
وانتهت القصه الى هذا الحد فلا هى تكلمت ولا انا توقفت عن البكاء

الفرح ..

اقف امام المرآة انظر الى نفسى وانا ارتدى ربطه العنق ...واحاول ان ابدو مهندما لان اليوم مناسبه عائليه مهمة  ...الجميع مشغول بتجهيز نفسه ..امى وخالاتى وبناتهن واخواتى ..صوت الموسيقى يبدو  كخلفيه لحركاتنا السريعه جميعا حتى نكون جاهزين فى خلال ساعه للنزول الى الشادر المقام فى الشارع بمناسبه حفل زواج والدى ...نعم والدى الزوجة رقم 9 ....وكلمة خالاتى التى اشرت اليها سابقا تعنى زوجاته الاخريات ..
هاهو ابى يكمل عدد زوجاته الاربعه بالعروس الجديدة ..مطلقه صغيرة لديها طفله _ فى عمر ابنته ...
فى هذا البيت انا على ابن جواهر ...ربما شاءت الاقدار ان انهى دراستى الثانويه واذهب الى الجامعه والتحق بكليه التجارة وهذا شىء لا يتكرر فى هذا البيت الا مع الاناث فقط ...ولاننى كنت طفل صاحب مرض ومصاب بالربو نجوت من العمل فى المقاولات مثل باقى اخواتى الذين تركوا الدراسه بعد الاعداديه او بالكاد حصل بعضهم  على دوبلوم التجارة والجميع يساق سوقا الى اعمال المبانى والحديد والاسمنت فى امبراطوريه المعلم ابورضا ...
امبراطوريه عجيبه سواء كان فى حياتنا الاسريه او العمليه ...فوالدى يمتلك عدد كبيرة من العقارات اغلبها مكتوب باسم خالتى ام مصطفى  ...وهذه ليست زوجته الاولى او حتى الثانيه ...ولكنها الوحيدة التى حظت بملكيه بعض العقارات ..وهى الوحيدة التى لها كلمه مسموعه على باقى الزوجات واولادهن ...نعيش فى احد هذه العقارات فى عمارة مكونة من خمسه طوابق وكل واحدة تسكن فى طابق ويسكن معنا ايضا بعض اخوتى الذكور المتزوجون ....ولكن لتكون  ساكن فى هذه العمارة فانت غير مسموح لك ان  تغلق باب شقتك  او تتمتع باى خصوصيه الا وقت النوم فقط ...باقى الوقت جميع من فى البيت يستيقظون على صوت ابى الساعه السادسه صباحا امر  يشبه النفير فى النظام العسكرى لا احد يستطيع مخالفته ...الاخوة الذكور يذهبون معه الى العمل والبنات الى مدارسهن او كلياتهن والباقى يقمن باعمال المنزل ...مع بقاء الاطفال والرضع فالبيت فيه جميع الاعمار ...
من الامور الغريبه التى اذهلتنى منذ زمن واتذكرها دائما اننى فى طفولتى بعد  المدرسه ذهبت الى بيت احد اصدقائى بالقرب من المدرسه ودخلت معه الى بيته وفوجئت به يغلق الباب بعد دخولنا ولم يكن هذا امرا معتادا بالنسبه لى ..
الزغاريد تملأ البيت والجميع ينادى بالتعجل والنزول ....
زحام والوان براقه واضواء تملأ الشارع وابى يقف يتقبل التهانى بجلبابه الابيض ...الف مبروك يامعلم
المشهد متكرر ولم يعد يعنى لى شىء وكنت اتساءل مع نفسى د ائما هل انا احب هذا الرجل ..هل هو رجل طيب ام انه رجل ظالم ...لا يشبع كل شىء فى هذا البيت قابل للتغيير والابدال والاحلال ...فمن تموت من زوجاته يأتى بغيرها ...ومن يتزوج من ابناءه يسكن معنا واذا بدرت منه اى مشكله او ارتفع صوته يرحل فورا ويطرد من البيت ويسكن اخوه مكانه ...فالعائله كبيرة وكل واحد يريد ن تكون له حياة ولكن لا احد يستطيع ان يشكل حياته بعيدا عن المعلم ابو رضا ...حتى  انه حدث يوما ان احدى اخواتى تخرجت من كليه العلوم وعملت وتزوجت وتنفست الصعداء بخروجها من البيت ولكن لحظها السىء مات زوجها بعد شهرين فى حادث فعادت الينا لتضع حملها وتتزوج غيره ...لا مكان فى هذا البيت للمشاعر ...ولا المس اى حزن لفراق اى شخص لان الحياة تسير بشكلها الاعتيادى ومن يذهب يأتى غيره ...
الامر اشبه بكتل النار تحت الرماد ..فالكل صامت يتحين الفرصه فقط يعرفون بظلم الاب ولان اغلب مايملكه  مكتوبه باسم خالتى ام مصطفى ...هى فقط من تملك حق توقيع اى اوراق ...فالبعض يقسم انه سوف يقطعها هى واولادها لو مات المعلم وقامت باى حركة نذاله كالطرد او الحرمان او غيره ...اما انا فيغلب على الظن ان الجميع هنا ظالمون ليس ابى فقط ..حتى ..امى التى قبلت ان تتزوج من رجل يكبرها وسبق له الزواج اكثر من مرة ...
اشتعل الفرح ورائحه الدخان والحشيش وجمع النقطه ..يصدح بها مطرب شعبى بصوت من انكر الاصوات

يوما ما كنت ادمنا

ياااه ...بعد تقديم استقالتى من شغلانه الادمن لمدة 3 سنوات ..بدأت احس ان اعصابى هديت شويه ...وكل اللى فاكراه ان قبل الشغلانه دى الادمنه يعنى كان اغلب الناس بتقول عنى انى ريلاكس ومش عصبيه ...واعترف انى اكتسبت العصبيه شويه بعد الموضوع ده ...
فى البدايه كان الموضوع تسالى وكنت فاكرة انه بسيط جدا ومع الوقت اكتشفت ان القصه بدات تشبه خيوط الصوف المتشابكه ..الوان مختلفه وانواع مختلفه ..غيرت نظرتى لامور كتير وخلتنى افهم حاجات كتير منها انى افهم الشخص اللى قصادى من اول تعليق ..وبقيت قويه الملاحظه من كتر الاهتمام والمتابعه ..لاحظت امور كتير انا استفدت منها وامور كتير تضايق واكتشفت ان الصور والبروفايلات اى كانت الصورة ..ورد بلدى او عصفورة وديعه او ابتسامه طفل او بحر او خيل ...كلها مجرد صور لا تعكس اصحابها تماما ...وساعات يكونوا اجمل من الصورة
موضوع  الادمنة شيق جدا والتجربه مثيرة وغنيه ومفيدة ...خاصه لما تكون مهتم بالمعرفه والاخبار ...بتتعلم انك تقرا الاخبار صح وتبدأ تعرف الصحيح من المضروب وتتعرف على مواقع كتير جدا ...اغلبها بينقل من بعض لحد ماتوصل للمنبع والاصل ..
*اغلب الاخبار والمعلومات على الفيس بووك مضروبه فعلا ...وكلمه اغلب هنا صح مش  مبالغه لان فى صفحات كتير ..مجرد صفحه بتنقل الاخبار من ناس بيقولوا ...زى قالولوا كده ...
* اسوأ مافى الفيس بووك هو الفيديوهات وانا اتعلمت انى  ماتعاملش مع الفيديوهات ابدا ولا انقلها ...لسببين الاول ان العنوان على اى فيديو بيكون غير المحتوى غالبا ...ان اللعب فى الفيديوهات شغلانه العيال الهواة ...قاعدين ينقلوا صور من سوريا على لبنان على البرازيل ...وممكن تلاقى الظابط فى الفيديو مش لابس الميرى بتاع المصريين ...بس العنوان بيقول انه فى مصر
* فى ناس كتير بتعمل شير من غير ماهى نفسها تشوف الفيديو او حتى تفتحه ...هى بتلاقيه عند اى حد ثقه من اصحابها تنقله فورا ..وتبدا حفله الخناق عليه
*لما تكون ادمن جروب تتحول الى ماما لجميع الاعضاء او الى ابله فى الفصل ...وهتلاقى حاجات كتير تضحك جدا ..ان الكل بدا يشتكى لك ....العضو ...من ناحيه والطرف التانى اللى معاه المشكله ...ده قالى كذا وانا رديت كذا وفى ناس جميله جدا بتعمل كوبى اند بيست لاى مشكله وتبعتها ...وتقولك شاهد قبل الحذف
* فى الجروبات بيكون فى شلل وبلديات ..يعنى بتلاقى ناس من منطقه واحدة هم غالبا بيكون لهم نفس الاسلوب والافكار واحتمال نفس الاكونت ...والله فكرت فيها كتير وقلت جات ازاى دى ان لهم نفس الافكار ياربى ...طبعا بيكون فى بينهم نوع من العصبيه ..اقصد التحيز لبعض جدا وانا واخويا على ابن عمى وانا وابن عمى على الادمن ..
* من ملاحظاتى فى الجروب ان الناس اللى بره مصر نوعين ..نوع خليجى ونوع امريكى اوروبى ...الخليجى بيظهروا على الفيس اكتر يوم الخميس والامريكى بيظهروا يوم السبت اكتر
* فى ناس عندها مشكله مع الكى بوورد العربى فبيكتبوا بوستات وتعليقات بالانجليزى وطبعا احنا مقدرين ده كويس بس مشكلتى مع اللى بيردوا عليهم مفيش عندهم مشكله الكى بوورد بس لازم يردوا هم كمان بالانجليزى ...ياللله نقوى اللغه ياجماعه 
* فى وسايط فى الجروبات يعنى لوحذفت تعليق او حذفت عضو لا قدر الله لان دى" كارثه "تلاقى صاحب الشخص الى اتحذف له التعليق بينوب عنه فى الكلام والمراسله ومتعشمين فيك خير ...والذى منه من قواعد الاحراج
* مش عارفه ليه الناس كلها اللى قابلتها بتعتبر ان حذف اى تعليق او بوست نهايه العالم ...ليه نفسى افهم ..وده علاقته ايه بالكرامه والكلام الكبير اللى بنسمعه لو حد اتحذف له بوست لاقدر الله
* قصه التضامن والتظاهر فى الجروبات يعنى لو عضو اتحذف تلاقى ناس مشيت وراه ...طب ليه برضه مش فاهمة ..انا اعرف ان لو الادمن مشى هو ده اللى تمشوا وراه :))))
* فى حاجه قابلتها فى الجروب القديم ...ان فى اعضاء هس هس مالهمش اى حس برغم وجودهم متابعين بقوة وبدون حتى لايك واحدة وبيزعجهم السين باى ...يعنى انا حذفت اسماء كنت اول مرة اشوفها وفى ثوانى كنت بالاقى نفس الشخص بيطلب اضافه فورا
* ادمن الجروب بيحقق شويه شهرة من ورا موضوع الجروبات دى وخاصه لو العدد كبير شويه ...يعنى كنت باقابل ناس الاقيهم بيقولوا ايه اخبار الفيسبوكيه
*من مشاكل الادمنه كمان انك تختلف مع الادمن المشارك لك ...لان طبعا كل شخص له وجهة نظر وتلاقى الناس فى اى مشكله تعمل منشن للادمنز علشان يدخلوا ...فجاة تلاقى نفسك لوحدك والباقى فص ملح وداب
*ان كل ادمن بيكون فى ناس فى الجروب معاه ولما تحصل اى مشكله يلجأوا لده بالذات ...ويطنشوا التانى ....يعنى بيختاروا مين فى الادمنز ممكن ييجى فى صفه
*اه فى حاجه لذيذة قوى هى القرايب والناس اللى معاك فى الشغل وياسلام لو مديرك او استاذك معاك فى الجروب ...بتلاقى المجاملات اشتغلت ..احلى كلام وموافق جدا على كل كلمه فى البوست وووووو
* ملاحظه مهمه جدا ان مفيش حد على الفيس تقريبا بيقرا موضوع طويل ...يعنى فى ناس اخرها سى مور ...وتقف بعدها اما كونتينو ريدنج اعرف ان البوست راحت عليه ...الناس بتحب القرايه تيك اواى ...بس انا لا على فكرة :)))
* حط صورتك بس على الفيس هتلاقى الشعب كله عملك لايك ...وعلى فكرة ده اكتر بوست بيشتغل على الفيس حتى لو الصورة وحشه ...اه وربنا
* لو حذفت عضو ورفضت رفضا باتا انه يرجع مش بييأس على فكرة وبيروح يغير اسمه لو كاتبه انجليزى يحوله عربى او العكس ويغير صورة بروفايله ...ويطلب اضافه تانى بسيطه يعنى
* اكبر مشكله للادمن لما اولادها يعرفوا ان هى الادمن بيطفشوا من الجروب واى مشكله طبعا الفيس هو السبب ...بس بصراحه ممتعه جدا ومفيدة وخاصه لما تشارك مناسبات الاصدقاء ولما تلاقى ناس تثق فيك وممكن تاخد رايك فى موضوع ...ومن اجمل المواقف معايا ان فى كذا شاب سألونى لو عندى بنت تشبهنى فى الصفات هم عاوزين عروسه ..
اجمل حاجه كنت باقول ان الجروب عتبته حلوة على ناس اتجوزت اثناء معرفتهم بنا وبالجروب وناس الحمدلله شاركونا نجاحهم فى الدكتوراه والماجستير وناس جالهم بيبى جديد وناس اولادها اتجوزت او اتخرجت ...ناس عرفونا واتعلقوا وفضلوا معانا وناس استفدنا منهم ..وناس زهقت ومشيت بس كان لهم بصمه وناس شتمتنا وناس شكرتنا ...وناس قابلوا اصحابهم عن طريق الجروب
ويوما ما كنت ادمنا لاحلى جروب حتى بعد ما اتفتفت حتت ..بس كل الناس عرفوا بعض وعملوا شبكه كبيرة من ورق وفروع الورد الفيسبوكى
*