..شله السلطان اشتروا منه البلد اراضى وبيوت .بس كانوا خايفين من اهل البلد احسن ينفجروا فى وشهم ...واحد يقول نلهيهم فى الكورة ونخليهم فريقين ضد بعض ...وواحد يقول نلهيهم بالمخدرات يسطلوا ..ويتخمدوا بدون تفكير ...وواحد يقول خليهم ينشغلوا ب الزباله خلى كل حاجه هابطه حواليهم يتفرجوا عليها .. ..وواحد يقول كله على كله ..شغل كل ده عليهم ...واحد اقال خوفوهم ..طيب يخافوا من ايه ...قعدوا يفكروا لحد ماوصلوا لامنا الغوله اللى ممكن تخوفهم بجد هات لهم واحد بدقن يتكلم ويقول لهم ربنا بيقول ...وكره الناس فيه علشان يحسوا بالنعمه اللى هم فيها ويعرفوا قيمه الحريه اللى احنا منعمينهم فيها ...كل مايوصلوا لفكرة يبدأوا يخافوا اكتر لحد ما واحد شار عليهم يجيبوا عالم كبير قوى ان شالله يستوردوه يقتل الشجاعه فى قلوب الناس يخليهم يتكلموا زى ماهم عاوزين بس محدش يقدر يتحرك ولا يعمل اى حاجه ....خلاص اتفقنا ندور بقى على عالم يساعدنا بس يكون من برة وفى السكرته ..مرت ايام وشهور وكل اللى حوالين السلطان نازلين سرقه ونهب وعلى عينك ياتاجر ..وفى يوم رجع واحد منهم من بره ومعاه الخبير قعدوا كلهم معاه وشرحوا له الحكايه ...الراجل استغرب جدا ايه الناس دى بتفكر ازاى ..مش مهم ..بالنسبه لى مايهمنيش الا المكسب من ورا الموضوع ده .....عاوزين ايه ياحضرات ...
..عاوزين ندوس على الناس ومايبقاش فيهم راجل واحديطلع له صوت ...ضحك العالم وقال والله فكرة طيب انتم عددكم كبير ..جدا والتكاليف هتكون ضخمه انى اخلى لكم كل الرجاله فى البلد تخرس ...قالوا له نفكر ونرد عليك ...بعد كام يوم جابوا العالم وقالوا له فكرنا فى حل مدهش اننا نقسم البلد نصين ...يعنى الرجاله اللى فوق ال30 دول هم اللى نسكتهم ونقضى عليهم اما شويه العيال مالوش اى لازمه ..هم مش فاضيين غير للرغى مع بعض والكورة والمخدرات ...
قعد العالم يفكر ويعمل ابحاثه ويشتغل لحد لما وصل لدوا يقضى على الرجاله ..وراح لهم بالاقراص وقالهم اتصرفوا انتو بقى ..طب نعرف ازاى ان الدوا ده شغال وكويس قالهم جربوا ..ده انتم شعب اغلبه جاهل ومريض يعنى مش هتفرق كتير جربوا واخد نص فلوسى دلوقت والنص بعد التجربه ...تمام كده ...طيب محتاجين دلوقت حد يطلع اشاعه ان فى حبايه تخلى كل الرجاله ميه ميه ..دى اسهل حاجه فى بلدنا ...وزعوا الدوا واطمنوا ونسيوا كل حاجه وافتروا زياده ...لانهم عارفين ان مفيش حد هيقدر يعترض ...لحد مافى يوم قامت العيال لموا بعض من ناصيه كل شارع وبصفارة تحت كل بيت اتجمعوا وعملوا هيصه فى البلد ..الناس اتلمت وكل واحد بكلمه ..دول شويه عيال ..سيبوهم يتسلوا ...بكرة يزهقوا ويروحوا ...اصلها عيال ناقصه ربايه ..يالله ياد انت وهوه على بيوتكم ...العيال صوتها عالى ومش خايفين ...لا ده كبارات البلد هم اللى خايفين منهم ..ومش قادرين عليهم ..ولان الرجاله عارفين انهم مش رجاله قالوا نتلزق فيهم ...نقف معاهم ..ورجاله تانيه عارفين برضه انهم مش رجاله قالوا نضربهم هم من غير سلاح احنا نجيب سلاح ونخوفهم به ...لا العيال خافت ولا العيال هربت والرجاله لانهم مش رجاله هم اللى هربوا ........الناس كلها نزلت تتفرج على الهيصه وبس الامهات هم اللى وقفوا يدافعوا عن عيالهم ... حريم السلطان شجعوا الحراس انهم يقطعوا العيال دى مش عاوزين يسمعوا لهم صوت تانى ..الحرس مش قادرين على العيال ولا فى شىء قادر يقف قصادهم ...السلطان عيان ومش قادر ياخد قرار ..بس لاول مرة حريم السلطان قدروا يتفقوا علشان يحافظوا على ارضهم ..بيوتهم عزهم وسرورهم...لموا شله السلطان وقالوا لهم لازم نتصرف ..افتكرت شله السلطان قصه العالم اللى فاتت عليها ايام وشهور واضطروا يفضحوا سرهم... ان البلد دى مفيش فيها رجاله غير شويه العيال دول ..طيب والحل قالوا نضحى بشويه فلوس بدل ما نخسر البلد كلها ...طيب ومين اللى هيوزع الحبوب على العيال فى الميدان ..قالوا لا دى سهله جدا ...الاول نقسم العيال فريقين او ثلاثه و نقنع شويه شويه منهم ...ازاى نقسمهم ..فكروا بتوع الكورة نرجع نشحنهم ضد بعض ...ومفيش مانع نخلص على عيل ولا حتى عشرة من كل فريق ...ونطلع بتوع المخدرات يساعدونا ونغرقها ..سلاح ومخدرات والشيطان شاطر ..هتلاقى شويه يعصلجوا معاكم الناس اللى بتقول ربنا والرسول دول هنعمل فيهم ايه ...دول بقى ندلق عليهم جاز ونخلى كل الناس ماتطيقش سيرتهم ...ونوزع الحبوب على العيال شويه حنيه وشويه فلوس على شويه تخوين وشويه انت مين ياد وتبع مين ....وتبقى فل الفل ...حريم السلطان عجبتهم الفكرة جدا واتفقوا ان البلد تبقى بعد كده للحريم وبس ...خطوة خطوة
ليست هناك تعليقات:
إرسال تعليق