هلاهيص

لما كنت صغير كنت دايما احب العب "خلاويص " ..كل يوم نتجمع فى الجنينه انا واصحابى  ونعد لغايه عشرة وبعدها ...خلاويص فاكر كل ده كان فى الاجازة بس برضه فى حاجات ممكن ناخدها معانا واحنا مسافرين وانا قررت  اخد لعبتى معايا ..
فى المدرسه كان فى اصحاب كتير من كل الجنسيات شعر اصفر ..شعر اسود ..عيون لونها ازرق وعيون لونها بنى كل ده مش مهم ..المهم انى العب ..لان اللعب مالوش وطن..
علمت اصحابى ازاى هنلعب اللعبه دى وكان فى كتير منهم يعرفها وبدأنا نعد ..واحد ..اتنين ...تلاته .............عشرة .."وباعلى صوت نقول خلاويص "
آدم ولد شعره اصفر  مش بيعرف اى كلمه عربى ..جه سألنى "كان اى بلى وز يو بليز " ..." يس اوف كوروس... كوم اون " 

انا بدأت اشرح له ازاى يلعب معنا وقلت له كونت "واحد ..اتنين .. تلاته ...لغايه ..عشرة وبعدها خلاويص "
هو سألنى "كان وى كاونت ان انجلش " وبكل بساطه قلت يس اوف  كورس وى كان ...وبعدين ظهرت مشكله تانيه .

"وات از زا ميننيج او ف ..زيس وورد  هلا هيص " انا قلت له "ات مينز فنش "
اوكى واى وى كانت ساى فنش "

بصراحه اتضايقت منه جدا وكلنا قلنا له فى نفس واحد ..." نوووووووووووو" لو كنت عاوز تعلم معانا لازم تتعلم تقول خلاويص ..

آدم لقى نفسه مضطر ..ون ..تو ...ثرى ......تن ....وباعلى صوت ."هلاهيص "