انا والخيل

- المثل بيقول " المخدة ماتشيلش اتنين حلوين "
- مممم طب اشمعنى المخدة الامريكانى شالت انجلينا جولى وبراد بيت ...كاثرين زيتا جونز ومايكل دوجلاس وبيكهام وفيكتوريا وناس كتير ...
-  دول مش زينا ...مش بعيد كل واحد فيهم بينام فى جناح لوحده وبعدين ...ياستى الجمال جمال الروح
- جمال الروح ده اصطلاح اخترعه راجل مصرى ..مش عاوز يدى مراته فلوس تروح الكوافير او تشترى ماكياج ولبس كل وقت والتانى
- متهيألى كده ان المخدة مابتشيلش اتنين ناجحين أو متفوقين أو متألقين ..
معاك حق لأن الرجالة مش بتحب نجاح المرأة وبيحصل بينهم نوع من الغيرة ..وتلاقى الراجل دايما واقف فى طريق مراته ولو هى اصرت على النجاح بيشوف غيرها
صحيح يا مأمنة للرجال ...يامأمنة للميه فى الغربال
تمام ...صحيح ..