انا والخيل

مصر بيت وشراع وضلّه
مصر نخله وغيط وقلّه
مصر تنهيدة مواطن ..
صام فى عزّ الموت وصلّى
يبقى مين بيحب مصر ؟!
..
مصر صوت النقشبندى
كوز دُره وبجنيه سفندى
ضحكة الناس ع المفارق ..
ساندوتشين من "بشندى"
يبقى مين مفتون بمصر ؟!
..
قلب عمران بالمحبه
مستكه وبخور وشبّه
نيل مزهّر ع المفارق
روح بتخجل تستخبى ..
يبقى مين اللى اسمه مصر ؟!
..
صوت مخالف للديابه
كلمتين ضد الكتابه
وردتين وكتاب وفارس ..
ياللى عايزين مصر غابه
يبقى مين واقف لمصر ؟!
..
تخته وضفيرتين ورايه
آيه وكتاب للهجايه ..
واللى حوّر واللى زوّر
باع وقابض م البدايه
يبقى مين تاجر بمصر ؟!
ـــــــــــــــــــــــ
سعيد شحاته