احنا شعب بيهتم بالمظاهر اكثر من غيرنا .. فى مصرمتناقضات كثيرة تحتاج الى رصد ...لنعرف اننا بلد شهادات ومظاهر
بواب العمارة وزوجته كل واحد منهم معاه موبايل وحديث نوعا ما ..والغريب ان زوجه البواب معها ام بى فور للاغانى ...
دكتور حديث التخرج مفيش معاه فلوس ومصر يركب تاكسى ورافض يركب ميكروباص لان برستيجه يمنعه او ممكن يقابل فى الميكروباص مريض او مريضه عنده
الابن جايب مجموع كويس ورافض يدخل جامعه حكومه ومصر يدخل خاص زى فلان وعلان ...ابن فلان وعلان اللى اهله وافقوا يدخل خاص علشان مستوى الطلبه اللى معاه ...يعنى القيا س هنا ..ان مستوى الطلبه واهلهم بمبدأ معاهم كام
مرة واحدة فلسطينيه سألتنى ليه المصريين لما يسافروا اى بلد يشتروا وهم نازلين طقم كاسات بوهيمى وفازة كريستال رغم ان الحاجات دى غاليه ..وممكن تتكسر زى اى نوع زجاج عادى ..قلت لها علشان النيش فى بلدنا مكان له قدسيه ممنوع الاقتراب او التصوير ومكتوب عليه للعرض فقط ...وللميراث ايضا
واحدة عايشه فى الدور على الفيس بووك وكل يوم اغنيه لاليسا واصاله ...وصباح الخير ياكوكو ...اللى هو جوزها وهم مقطعين بعض فى الواقع
طبعا مش قصدى انها تنقل لنا الواقع ..بس برضه مش ده معناه حب المظاهر !!!!!
ماركات الشنط والنظارات الشمس والملابس واسماء المحلات دخلت فى دنيا المظاهر للمصريين بقوة والغريبه ان الناس بتدافع عن الحاجه اللى بتشتريها بمبالغ انها احسن من غيرها وهى دى اللى بتعيش وووو وكله كلام فاضى للمنظرة فقط
اماكن الفسح والمطاعم هى كمان دخلت القايمه انك تقعد مع ناس تتباهى انها راحت المكان الفلانى وسافروا واتصوروا وحطوا صورهم على الفيس ...زى فلان اللى سافر حته تانيه برضه واتصور فى المطعم مع الشوكه الايطالى
وخلينا احنا كده بقدرة قادر شعب استهلاكى عامل زحمه فى المولات والفوود كورت ...والناس كتير فى الشارع فى اوقات عمل يعنى اى وقت تنزل فيه تلاقى زحمه ودايما اقول انا مش باشتغل لما انزل الصبح عادى طيب مين اللى فى الشارع دول ؟؟؟؟
بواب العمارة وزوجته كل واحد منهم معاه موبايل وحديث نوعا ما ..والغريب ان زوجه البواب معها ام بى فور للاغانى ...
دكتور حديث التخرج مفيش معاه فلوس ومصر يركب تاكسى ورافض يركب ميكروباص لان برستيجه يمنعه او ممكن يقابل فى الميكروباص مريض او مريضه عنده
الابن جايب مجموع كويس ورافض يدخل جامعه حكومه ومصر يدخل خاص زى فلان وعلان ...ابن فلان وعلان اللى اهله وافقوا يدخل خاص علشان مستوى الطلبه اللى معاه ...يعنى القيا س هنا ..ان مستوى الطلبه واهلهم بمبدأ معاهم كام
مرة واحدة فلسطينيه سألتنى ليه المصريين لما يسافروا اى بلد يشتروا وهم نازلين طقم كاسات بوهيمى وفازة كريستال رغم ان الحاجات دى غاليه ..وممكن تتكسر زى اى نوع زجاج عادى ..قلت لها علشان النيش فى بلدنا مكان له قدسيه ممنوع الاقتراب او التصوير ومكتوب عليه للعرض فقط ...وللميراث ايضا
واحدة عايشه فى الدور على الفيس بووك وكل يوم اغنيه لاليسا واصاله ...وصباح الخير ياكوكو ...اللى هو جوزها وهم مقطعين بعض فى الواقع
طبعا مش قصدى انها تنقل لنا الواقع ..بس برضه مش ده معناه حب المظاهر !!!!!
ماركات الشنط والنظارات الشمس والملابس واسماء المحلات دخلت فى دنيا المظاهر للمصريين بقوة والغريبه ان الناس بتدافع عن الحاجه اللى بتشتريها بمبالغ انها احسن من غيرها وهى دى اللى بتعيش وووو وكله كلام فاضى للمنظرة فقط
اماكن الفسح والمطاعم هى كمان دخلت القايمه انك تقعد مع ناس تتباهى انها راحت المكان الفلانى وسافروا واتصوروا وحطوا صورهم على الفيس ...زى فلان اللى سافر حته تانيه برضه واتصور فى المطعم مع الشوكه الايطالى
وخلينا احنا كده بقدرة قادر شعب استهلاكى عامل زحمه فى المولات والفوود كورت ...والناس كتير فى الشارع فى اوقات عمل يعنى اى وقت تنزل فيه تلاقى زحمه ودايما اقول انا مش باشتغل لما انزل الصبح عادى طيب مين اللى فى الشارع دول ؟؟؟؟
ليست هناك تعليقات:
إرسال تعليق