بلد بلا احباط

نا كل يوم افكر هو ايه الحل اننا نتغير بجد او على الاقل نلاقى اى علاج للاحساس بالاحباط ..كل يوم نكتب كلمه عن التفاؤل والامل ..مش كفايه الحل هو اننا نقدر نساعد بعض نفكر اى فكرة بسيطه ممكن تغير واقع اى شخص من حوالينا ..طب ممكن نعمل ايه سهل وبسيط لقيت فى افكاركتيرة سهله وبسيطه بس عاوزة التنفيذ .......1- ممكن مثلا نساعد اى تلميذ فقير فى مذاكرته بدل ما يسيب المدرسه ممكن انت او ابنك او بنتك تعمل حاجه زى دى تشوف اى تلميذ غلبان وتذاكر له  2 2-لو عندك بواب او زوجته ممكن تمحى اميته علمه يكتب اسمه او الارقام من اواحد لحد عشرة وده برضه موضوع بسيط 3- مشكله النظافه ممكن ستات العمارة يجمعوا مبلغ ونشوف اى عامل مش لاقى شغل يتولى موضوع النظافه وبكده نكون وفرنا له عمل وبرضه اصحاب المحلات ممكن يعملوا كده 4- لو انت استاذ فى الجامعه ممكن تساعد الطلاب عندك اعمل فى محاضرتك ربع ساعه للمناقشه اتعرف على طريقه تفكيرهم شجعهم انهم يكونوا ايجابيين شوف مين اكتر واحد متميز وساعده وخليه هو يساعد اصحابه حاول تتبنى اى فكرة ممكن تنفيذها وساعده 5- لو انت دكتور وبيتعرض عليك هدايا مجانيه من شركات الادويه ارفض الاقامه فى الفنادق واطلب منهم 50 علبه من الادويه مجانيه وساعد بهم الفقراء فى افكار كتير بسيطه لازم نزودها وننشرها يعنى مثلا المرشيحن للرئاسه بدل السرادقات واليفط والكلام الفاضى اللى بيجى المرشح المنافس ويقطعها يعمل حمله توصيل مياه لقريه فقيرة يجمع تبرعات ويشترى سكن لاهل العشوائيات وحتى لو ما نجحش فى الانتخابات يبقى اسمه عمل حاجه لاهل بلده كل واحد ممكن يفكر ويضيف فكرة مهما كانت بسيطه ممكن تنفع اهل بلد ه وكفايه احباط بقى ابوس ايديكم

امل ابراهيم