فين زمان لما كان الولد لازم بيجامته تبقى مقلمه ..مفيش ميكى ولا تويتى ..ولا بن تن ..حتى الالوان مابين الكحلى والرمادى ..علشان هو راجل عيب يعيط وعيب ياكل لبان 
عيب الولد شعره يطول ,,فين الكتاب ..فين القصص ..فين حواديت قبل النوم ..راح فين زمان 

امزج الالوان ..ارسم فراشات تحلق فى سماء فضيه ..او قوس قزح ..الوان تنسج خلفيه فى ليل الاحلام ..

فى دنيا الحلم ..قد تغفو الشمس ..يغمرنى رذاذ البرد ..يجعلنى جوادا عربيا ..يتغنى جمالا ودلالا ..وسيبقى عهدى للخيل 

عودونا فى الافلام العربى دايما ان الفيلم لازم ينتهى بفرح وان الحق دايما يكسب ..الايام دى فى ناس عايزة تخلينا نصدق ان الافلام مجرد ..افلام خيال ..وتأليف وان الحق اللى احنا مقتنعين به ممكن يكون باطل ..لان فى كتير غيرنا شايفينه هو الحق ..مش عارفه فين المشكله هم اللى لازم يتعالجوا علشان يشوفوا الامور زينا ..ولا احنا اللى لازم نتعالج ..وليه دايما افتكر قصه عن العميان اننا كلنا علشان نعيش مبسوطين لازم نفقد عيوننا ..بس انا برضه شايفه ان العيون مش مشكلتنا ...مشكلتنا حاجه اسمها الضمير ازاى احكم انه لسه صاحى عند ناس كتير 

تبدو الحريه حلم فى صندوق ...ما اعجب ان تكون احلامنا داخل صندوق ...

من بين مشاكل حياتنا بعض التصنيفات التى يتم تعميمها وتصديقها حتى من المثقفين بل ويتم تداولها ..مثلا ان نقسم التعليم الجامعى الى كليات قمه وكليات قاع ..من اخترع هذه المسميات وكيف نسمح بتمريرها ومن قال ان كليه الزراعه مثلا اقل اهميه فى بلد زراعى امن كليه الطب التى تعانى من كثافه ادت الى ان يعمل الاطباء الى مندوبين مبيعات لشركات الادويه ...
من بين مشاكلنا اننا صنفنا اهالى المحافظات تبعا لصفات يتم وصمهم بها الى الابد فاهل هذه المحافظه يتصفون بالبخل واخرون بالعدوانيه واخرون يتسمون بالخبث وغيرهم بالغباء ...هل هذه امور هينه او يجب الا نتوقف عندها ونحاول الا نمررها ونمحوها من ذاكرة الاجيال لكى نرتقى ...

عندما كنت طالبه ادرس الاعلان كنا ندرس عن تأثير الاعلانات غير المعقول على الناس وكنت لا اصدق ماهو فى الكتب الا بعد ان عايشته وعرفت فعلا ان فتاة الاعلان صاحبه الشعر الناعم الخلاب لابد ان تبيع الشامبو ..وان اعلانات التخسيس تلعب على وتر نفسى شديد لابد ان تجد الزبون المتابع لها وان الاعلانات تبيع الوهم وتروجه عن طيب خاطر للمشترى
اليوم اشعر بغصه شديده وحاله من الضيق بعد ان تناقشت مع سيده بسيطه تؤيد شفيق بشدة وبصراحه احسست بالاشفاق على هؤلاء الناس ولم اصدق كم التأثير الواقع عليهم من الاعلام ..ومقتطفات من حديث السيدة " السنييين ..-طبعا تقصد الاخوان او السلفيين ..او اصحاب الدقون فى عبارات اخرى - السنيين وحوش لو كسبوا سوف يقتلونا بالسكين الا ترين كيف ذبحوا شخص فى الشارع ..طبعا اى محاوله لاقناعها بغير ذلك فشلت ..كما انها ترى اننا شعب همجى لابد ان يحكم بيد من حديد لذلك ترى ان شفيق هو الانسب فقلت لها اذا كنت ترين اننا نحتاج الى شخص قوى فاختارى الوحوش فقالت لى لا يمكن .وبدات تسرد انها  لم تقابل سيدة منتقبه تحسن التعامل ..السنيين معاملتهم سيئه ...قلت لها امثله عن ناس طيبين ومثقفين ومتعلمين اطباء ومهندسيين وصيادله سوف يرشحون مرسى ..لكى تثق فى قراراتهم ..لا ابدا الاخوان هم من قاموا بموقعه الجمل وقتلوا عيالنا ..المهم لم استطع اقناعها وشعرت بالملل والضيق لان فعلا الاعلام لعب لعبه قذرة وكان لابد من تطهيره اولا ..قبل ان نصل الى اى انتخابات ..لا اعرف هل تدمير العقول المصريه سوف يعاد بناءها مرة اخرى ..الدور كبير جدا ولا بد من محو اميه هؤلاء الثقافيه لان الامر جد خطير ..والفتنه اكبر